ഗുഡ് മോര്‍ണിങ്ങ് ബൈ ഏ ന്യൂ ജെനറേഷന്‍ !


“ചേട്ടാ, ഒരു മിനിറ്റ്.. ഒന്ന് കേള്‍ക്കൂന്നേ..”
“എന്താ?”
“ഡിങ്കോള്‍ഫി ചിട്ടിയില്‍ അംഗമാവൂ, ഭാവി സുരക്ഷിതമാക്കൂ”
“ടിവി പരസ്യങ്ങള്‍ കാണാത്തവരെ നേരിട്ടെത്തി കാണിക്കണ പരിപാടിയാ?”
“അതല്ല ചേട്ടാ, ഞാന്‍ നരേന്ദ്ര മോഡി, ഡിങ്കോള്‍ഫി ചിട്ടീസിന്റെ സേല്‍സ് എക്സിക്കൂട്ടിവാ”
“അപ്പൊ ഇങ്ങള് പ്രധാനമന്ത്രിയാവാന്‍ പോണില്ലേ?”
“ശരിക്കൊള്ള പേര് ആരോമലുണ്ണി ന്നാ. ഞാന്‍ വല്ല്യ നരേന്ദ്ര മോഡി ഫാനാ.. ചില ഫാന്‍സ് നമോ എന്ന പേരില്‍ സ്മാര്‍ട്ട് ഫോണ്‍ നിര്‍മ്മിച്ച് നല്‍കി സമര്‍പ്പിച്ചു. എനിക്ക് അതിനുള്ള മാര്‍ഗ്ഗമില്ലാത്തോണ്ട് എന്നെ തന്നെ അങ്ങ് സമര്‍പ്പിച്ചു – പേര് മാറ്റി”
“അപ്പൊ ആരോമോഡി വന്ന കാര്യം?”
“ചേട്ടാ, അല്ല, സര്‍.. സാമ്പത്തികമായി ഇന്ന് നമ്മള്‍ ഒരു വല്ലാത്ത അവസ്ഥയിലൂടെ കടന്നു പോവുകയാണ്. എല്ലാം പുറത്തു നിന്ന് നോക്കുമ്പോള്‍ കാണുന്നതല്ല യത്ഥാര്‍ത്ഥ അവസ്ഥ. ഇന്ന്..”
“നില്ല്, വല്ല പത്തോ അമ്പതോ തരാം”
“അയ്യോ ഞാന്‍ തെണ്ടാന്‍ വന്നതല്ല സര്‍”
“പിന്നെ താനിപ്പൊ പറഞ്ഞതൊക്കെ ആരുടെ കാര്യമാ?”
“ഞാന്‍ പൊതുവായി പറഞ്ഞതാണ് സര്‍. ഇന്ത്യയുടേയും ഇന്ത്യക്കാരുടേയുമെല്ലാം അവസ്ഥ”
“ബൈദബൈ ഈ അവസ്ഥ പറഞ്ഞതിന്റെ ഉദ്ദേശം?”
“ഇതില്‍ നിന്ന് മുക്തി നേടാന്‍ ഞങ്ങള്‍ സഹായിക്കാം സര്‍, വീ ഹാവ് ഏ..”
“എന്നാല്‍ ആദ്യം പോയി ഇന്ത്യയെ സഹായിക്ക്.. അല്ലെങ്കില്‍ നിങ്ങടെ മോഡിയെ സഹായിക്ക്. കക്കൂസ് പണിയാന്‍ ഒരു സംഭാവന കൊടുക്ക്”
“ഓരോ ഇന്ത്യക്കാരനും നന്നായാലല്ലേ സര്‍ ഇന്ത്യ നന്നാവൂ”
“അപ്പൊ?”
“സാറിനുള്ള സൊലൂഷന്‍ ഞാന്‍ തരാം”
“എന്ത്, കാപ്പിപ്പൊടിയോ? ഇപ്പോഴത്തെ എന്റെ പ്രശ്നത്തിന് പരിഹാരം കാപ്പിപ്പൊടിയാ. വെള്ളം തിളയ്ക്കുന്നു, കാപ്പിപൊടി തീര്‍ന്നു കാപ്പി ഉണ്ടാക്കാന്‍”
“അല്ല സര്‍, ഞാന്‍ സാമ്പത്തികസ്ഥിതിക്കൊരു സൊലൂഷന്‍..”
“ഫ്രീയായി കാപ്പിപ്പൊടി തരുമോ അപ്പോ”
“അതല്ല സര്‍”
“ഓഹോ.. ആദ്യം വിചാരിച്ചു തെണ്ടാന്‍ വന്നതാന്ന്. പൈസ ഇങ്ങോട്ട് തരാന്‍ വന്നതാ?”
“കാര്യം അത് തന്നെ സര്‍. പക്ഷേ ഞാന്‍ പറയുന്നതൊന്ന് കേള്‍ക്കൂ.. പ്ലീസ്”
“പറയ്”
“ഡിങ്കോള്‍ഫി ചിട്ടിയില്‍ ഞങ്ങളുടെ പല പ്ലാനുകളും ഉണ്ട്. സാറൊന്ന് യെസ് പറഞ്ഞാല്‍ സാറിന്റെ ഭാവിയെത്തന്നെ ആ തീരുമാനം തിരിച്ചുവെയ്ക്കും”
“ഈ അവസാനം പറഞ്ഞത് നിയമപരമായ മുന്നറിയിപ്പാണോ?”
“അങ്ങനെയല്ല സര്‍, ഭാവി സുരക്ഷിതമാക്കാമെന്ന് പറയുവാരുന്നു”
“എന്റെ സുഹൃത്തേ, എനിക്ക് ചിട്ടി കൂടാന്‍ താല്പര്യമില്ല”
“അയ്യോ അങ്ങനെ പറയല്ലേ സര്‍.. ചിട്ടിയെക്കുറിച്ച് അറിയാന്‍ വയ്യാഞ്ഞിട്ടാ സര്‍ ഇങ്ങനെ പറയുന്നത്”
“നാട്ടിലെ ചിട്ടിക്കമ്പനികളെ കുറിച്ച് രണ്ട് ലേഖനങ്ങള്‍ എഴുതിയിട്ടാരുന്നു കഴിഞ്ഞ വര്‍ഷം, അതെടുത്ത് വായിച്ചാല്‍ നിനക്ക് കൊറച്ചൂടി വെവരം വെക്കും.”
“സര്‍, മറ്റ് കമ്പനികള്‍ പോലല്ല സര്‍ ഡിങ്കോള്‍ഫി ചിട്ടി. നമ്മള്‍ വ്യത്യസ്തരാണ്. ഒരു ചിട്ടി പ്ലീസ്”
“എന്തോന്നെടേ ഇത്.. നീയല്ലേ ആദ്യം പറഞ്ഞത് നീ തെണ്ടാന്‍ വന്നതല്ലെന്ന്. ഇതിപ്പൊ ന്യൂ ജെനറേഷന്‍ തെണ്ടലു തന്നേ!”
“ശരിയാണ് സര്‍, പക്ഷേ എനിക്കും ജീവിക്കണ്ടേ സര്‍”
“അതിനിങ്ങനെ തെണ്ടണോ, ഒരു വഴി പറയാം”
“എന്താ സര്‍”
“ഈ ഡിങ്കോള്‍ഫി ചിട്ടീസില്‍ ഒരു ചിട്ടി ചേര്‍ന്ന് ചുമ്മാ ഇരിക്ക്”
“കളിയാക്കാതെ സര്‍”
“പിന്നല്ലാണ്ട് ഞാനെന്ത് പറയാനാ? എന്നെ കുഴീല്‍ ചാടിച്ചിട്ടേ തനിക്ക് കഞ്ഞികുടിക്കാനാവൂ ലേ?”
“അല്ല സര്‍, ഡിങ്കോള്‍ഫി മറ്റുള്ളവ പോലെയല്ല സര്‍”
“എങ്കില്‍ പറ, എന്ത് വ്യത്യാസമാ ഉള്ളേ?”
“സാര്‍, സാറിന്റെ സാമ്പത്തിക സുസ്ഥിരത സംരക്ഷിക്കാന്‍ ഡിങ്കോള്‍ഫിക്ക് കഴിയും.. ഇരുപത്തിരണ്ട് വര്‍ഷത്തെ പാരമ്പര്യമുണ്ട് സര്‍ ഞങ്ങള്‍ക്ക്”
“ആരോമോഡിക്കെത്ര വയസ്സായി?”
“ഇരുപത്തിയൊന്ന് സര്‍”
“എന്റെ മോഡിക്കുഞ്ഞേ.. കഴിഞ്ഞ ഇരുപത്തിനാല് വര്‍ഷത്തെ പാരമ്പര്യമുള്ള എനിക്ക് പറ്റാത്ത കാര്യാമാണോ ഇരുപത്തിരണ്ട് വര്‍ഷത്തെ പാരമ്പര്യമുള്ള നിന്റെ കമ്പനിയും അതിലും ചെറിയ നീയും കൂടെ ശരിയാക്കണേ? പോയേ..”

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Blog at WordPress.com.

Up ↑

%d bloggers like this: